0290 猪狗不如（2/2）

她笑起来了：“侬料蛮丘格，自家勿想接李静雨电话，就奈手机笃了包里，还讲忘记勒了包里厢，我会勿晓得侬啊！”

我知道这个姓李的打电话给她告状了，于是解释说：“啥格电话啊？我根本唔没听到，否则哪能会连侬格电话还勿接？”

“晓得侬会狡辩，好了，勿多讲了，伊是打电话拨我了，侬勿是帮过伊忙吗？伊要谢谢侬，想勿到侬勿接电话，就来问我了，侬要晓得我是伊老阿姐。”

“搿格人怪伐，我搭伊讲过了慢慢交再讲，等稍微有眼空格辰光我会搭打电话拨伊格，介急吼吼做啥啦！”

“勿是格，伊倒勿是假姿假眼格人，直肚肠一只，但到了侬面前拨侬一讲伊又闷忒了。侬帮过伊忙，人家要谢谢侬还是正常咯，侬还要拨人家一眼面子嘛。”

我一声不吭。

“搿能伐，怕侬一个人勿肯，我搭侬一道去，伊做东请阿拉两个人。”她继续说，“辰光地点阿拉来定，侬看哪能？”

“随便。”我说，“不过搿个人铆了蛮牢咯。”

“讲好了噢，我会交伊联系咯。”

晚上，若雅回来说：“已经搭李静雨讲好了，礼拜二夜里勒嗨南京西路格jw万豪酒店万豪轩。”

“侬讲了算。”我嘀咕道。

“看到伊吓啊？契一顿饭呀，又勿是契侬人！”她说，“侬勿要忘记忒，多个朋友多条路，伊又唔没得罪过侬，讲勿定啥辰光就派伊用场了。”

若雅同我一起去就没什么可怕了，——臭男人像野兽一样，前几天不是有个中电通信公司董事长吴志阳强奸相亲对象么？那还是什么中国年度十大经济人物呢，猪狗不如！